1. ເລື່ອງລາວຂອງພວກເຮົາ - Our Story

ບໍລິສັດ ຈັນທະລັກຮຸ່ງເຮືອງ ຂາອອກ-ຂາເຂົ້າ ຈຳກັດ ເປັນບໍລິສັດນຳເຂົ້າ ແລະ ສົ່ງອອກສິນຄ້າອຸປະໂພກ-ບໍລິໂພກ ທັງພາຍໃນ ແລະ ຕ່າງປະເທດ, ດຳເນີນທຸລະກິດໂດຍຄົນລາວເຮົາເອງ 100%, ບໍລິສັດເຮົາແມ່ນຈັດຢູ່ໃນບໍລິສັດຂະໜາດກາງດ້ວຍທຶນຈົດທະບຽນບໍລິສັດຫຼາຍກວ່າ 5ຕື້ກວ່າກີບ, ດ້ວຍວິໄສທັດພາຍໃຕ້ຄວາມມຸ່ງໝັ້ນປັ້ນແຕ່ງຢາກໃຫ້ພະນັກງານມີຄວາມກ້າວໜ້າ, ຈະເລີນເຕີບໂຕ ນຳພາແບຣນດ໌ ແລະ ອົງກອນໄປສູ່ຄວາມສຳເລັດ.

ຈາກການສຶກສາຄວາມຕ້ອງການທາງການຕະຫຼາດ ແລະ ການສຶກສາຂໍ້ມູນຂອງຜູ້ບໍລິໂພກແລ້ວພວກເຮົາເຫັນວ່າປະເທດລາວເຮົາແມ່ນຍັງມີຄວາມຕ້ອງການດ້ານການບໍລິໂພກ ແລະ ອຸປະໂພກສິນຄ້ານັບມື້ນັບຂະຫຍາຍໂຕຂຶ້ນໄປເລື້ອຍໆ ດ້ວຍຄວາມທີ່ເບິ່ງເຫັນໂອກາດໃນການເຕີບໂຕທາງດ້ານເສດຖະກິດ ດັ່ງນັ້ນພວກເຮົາຈຶ່ງຕັດສິນໃຈເລີ່ມດຳເນີນທຸລະກິດ ແລະ ໄດ້ມີພິທີເປີດບໍລິສັດຢ່າງເປັນທາງການໃນວັນທີ່ 10 ເດືອນ ມັງກອນ ປີ 2024, ພ້ອມກັບການເປີດໂຕແບຣນດ໌ສິນຄ້າຫຼາກຫຼາຍລາຍການ. ໃນນີ້ພວກເຮົາກໍ່ໄດ້ເຊີນບັນດານັກທຸລະກິດ, ອິນຟູເອັນເຊີ ຜູ້ມີຊື່ສຽງໂດ່ງດັງ ພ້ອມທັງແຂກຜູ້ມີກຽດອື່ນໆຫຼາກຫຼາຍທ່ານມາຮ່ວມໃນພິທີເປີດບໍລິສັດເຮົາ.